Actualitat
Lengua Viua commemorarà aguest diuendres Sant Jòrdi damb teatre en aranés
Damb un totau de cinc petites representacions teatraus damb eth prètzhèt de destacar era importància de parlar era nòsta lengua sense er emplec de castelhanismes.
Eth collectiu Lengua Viua torne a repréner es actuacions teatraus en commemoracion damb era Diada de Sant Jòrdi damb er objectiu de conscienciar sus era importància der emplec dera lengua aranesa en toti es encastres dera vida vidanta entre es joeni e adults deth territòri. Aguest diuendres 25 d’abriu, Era Audiovisuau de Vielha, acuelherà aguest eveniment culturau damb aqueth prètzhèt principau. En totau, s’haràn 5 representacions teatraus tà destacar era importància d’emplegar er aranés.
Aguestes peces teatraus an estat escrites per Manuela Ané, qu’ei especialista ena matèria damb ua grana trajectòria, sustot ath capdauant deth grop de Teatre era Cabana.
Ua accion que non sonque cerque potenciar era lengua, mès, tanben apropar naues formes de comunicacion entà toti es publics en ua serada divertida e diferenta, en tot parlar aranés.
