Agents de Miei Ambient deth Conselh Generau d’Aran l’an localizat gràcies as params fotografics

Er os Nere, un tresaur genetic ena Val d'Aran.
Ei ua magnifica notícia qu'er os Nere, as sòns 28 ans*, encara sigue present enes Pirenèus, ena Val d'Aran. Aguesta edat ei excepcionau tà un os sauvatge, e era sua genetica lo hè encara mès preciós entara conservacion dera espècia.

Es params fotografics an capturat ua visita fòrça especiau ena Val d’Aran der os Nere. Cada observacion sua ei ua plan bona notícia entàs que hèm eth seguiment e tanben tàs expèrts.

Perqué ei important aguest os en concrèt?
Perque ei un des ossi mès vielhs detectadi enes Pirenèus, e era sua carga genetica ajude a refortir era populacion.

Ajatz en compde, sustot, era importància de conservar eth sòn abitat.


Rebrembatz, quan veigatz un os, de guardar-vo’lo de luenh e de respectar eth sòn espaci.

Era convivéncia ei possibla damb consciéncia.


HÒNT: CONSELH GENERAU D'ARAN