Era Comission Bilaterau Conselh Generau d’Aran-Generalitat de Catalunya a aprovat aué eth qu’ei eth Sistèma de Finançament d’Aran e que supause un saut qualitatiu e quantitatiu respècte deth modèl actuau.

Onze ans dempús de qu’era reforma dera Lei d’Aran de 2015 mandatèsse qu’era Val d’Aran auie de compdar damb un modèl de finançament pròpri, eth govèrn d’Aran a arribat a un acòrd damb era Generalitat de Catalunya qu’auance ena consolidacion der autogovèrn aranés e dera garantia de servicis publics entara ciutadania.

Aguest Sistèma de finançament aranés destaque per quate qüestions fonamentaus: era melhora des recorsi economics, era actualizacion e melhora de traspassi, era participacion deth Conselh Generau d’Aran enes tributs dera Generalitat e era estabilitat e previsibilitat financèra deth pròpri Sistèma entàs pròplèu ans, quauquarren qu’eth Conselh Generau d’Aran hè fòrça temps que reclamaue.

Mès Informacion:https://shorturl.at/XbRKz


HÒNT: CONSELH GENERAU D'ARAN