Pendent aguest fin de setmana s’a desvolopat en Parador Nacionau de Vielha un acte commemoratiu en tot complir-se 3 ans deth traspàs deth Sindic Carlos Barrera, que siguec ath front dera maxima institucion politica deth país ath long de 20 ans.

En aguest reconeishement sociau, i formèren part ath torn de 150 persones, en un acte que non pretenie èster public, mès d’ua trobada d’amics de tota era vida entà destacar era importància deth desvolopament dera Val d’Aran damb eth Sindic ath capdauant autant coma expressar eth sòn costat mès personau.

Coma representacion dera Generalitat, ar eveniment i assistiren eth president deth Parlament, Josep Rull e eth president Artur Mas, que toti dus destaquèren era estima qu’auie Barrera peth sòn territòri autant coma eth gran auanç en politiques tàs persones qu’amièc endauant.

Era familha deth Sindic siguec ua des protagonistes dera serada en tot arrecéber ua placa commemoratiua de rebrembe de tot eth grop d’amics d’Aran.