Aguest trimèstre, er escolanat de 5au e 6au trabalhe es institucions ena escòla, e ei per açò qu’an visitat eth Conselh Generau d’Aran, entà coneisher-ne eth foncionament de prumèra man.

Era activitat s’a despartit en dus grops, qu’an amassat, en un prumèr torn as 21 estudiants des escòles Loseron d’Arties e Castèth Leon d’Es Bòrdes e, en un dusau, as 19 dera Escòla Ruda de Salardú.

Era visita a estat guidada peth vicesindic dusau, Oriòl Sala, e a includit un recorrut pera part institucionau e pes servicis tecnics dera sedença.

Es escolans an pogut hèr qüestions sus eth foncionament dera institucion aranesa e compartir es sues inquietuds damb eth vicesindic dusau.

Era jornada s’a completat damb ua visita deth Musèu dera Val d’Aran.


HÒNT: CONSELH GENERAU D'ARañAN