Espectaculars imatges de nhèu es que s’an pogut veir des d’ager ena net ena Val d’Aran. Ues precipitacions que s’an acumulat ena gran màger part de còtes deth territòri, en tot superar es expectactives iniciaus e assolidant uns celhs de nhèu que van des 15 centimètres en emplaçaments coma Salardú enquia arribar as 40 centimètres ena estacion d’esquí en Baqueira Beret.

Es nheuades s’inicièren en còtes nautes a mieja tarde e non s’a arturat enquia aguesta madeisha tarde. Es previsions indiquen qu’aguesta net encara poderie nhèuar en tot baishar era còta de 1200 a 700 mètres precipitant en pòga mesura, mès constanta.

Aguesta situacion ei tanplan abituau ena Val d’Aran, ena part iniciau dera primavera e s’an vist tanben en mesi coma mai o junh. Eth heired e era umiditat an estat claus entà veir aguest fenomen ara.

Es arrepervèris indiquen qu’entà Santa Creu, en mes de mai, tostemp i aurà nhèu, mès s’a auançat un shinhau respècte aguesta dita classica en tot deishar un aspècte espectacular ath territòri.