En camin ciclable Aubèrt – Bèussa an reparat es talussi enes trams que non èren compactadi: s'an trèt tèrra e pèires damb dumper e s'a tornat a daurir eth pas entà mantier era amplada deth camin.


Tanben s'a canalizat era aigua en camin dera casilha de Betlan, descaperat es arquetes e trèt es pèires deth camin ciclable.

En pista de Betren enquia Casarilh s'a hèt eth torn de manteniment: retirant un arbe virat e quauques branques queigudes. Tanben era retirada d'un aute arbe que barraue eth pas ena pista de Casau.

S'a trabalhat en barranc dera Bordeta, que s’auie desviat e caperat. S’a tornat a canalizar era aigua, qu’abans baishaue peth camin, e s’an descaperat es arquetes.

S'a apariat era palanca deth camin dera Solana d’Escunhau e retirat es esbauci de tèrra e pèires queigudes.

En guardader de Vernet (tèrme de Les) s'a cambiat tota era barana de husta, fòrça deteriorada. Tanben s'an substituït quauques pèces poirides des taules e bancs e repintat tot eth conjunt.

Aguesti dies tanben se trabalhe ena pista dera Montanheta d’Arró, deth Pònt d’Arró ensús: adequacion deth paviment e des talussi, canalizacion dera aigua e passi d’aigua.

S'an apariat es labades deth camin deth Pònt d’Arró enquia Es Bòrdes, qu’èren botjades, e era canalizacion dera aigua.

Installacion d'un nau piquet en accès ath camin ciclable d'Aubèrt entà evitar eth pas de veïculs. Ues actuacions damb er objectiu de garantir era seguretat e bona accessibilitat.


HÒNT: CONSELH GENERAU D'ARAN