Torisme
Era Val d'Aran, premiada coma “Mejor Destino Natural de España”
Era revista Viajes National Geographic a hèt a conéisher aué eth guanhador d'aguest prèmi, qu’autrege a trauès der apartat “Los Premios de los lectores 2025”
Era Val d'Aran ven d'èster reconeishuda coma “Mejor Destino Natural de España” enes pretigiosi “Premios de los Lectores 2025” dera publicacion Viajes National Geographic. Aguesta distincion, frut des vòts de milèrs de persones, relhèue era beresa naturau e era excepcionau aufèrta toristica deth territòri, e lo place coma un referent en sector deth torisme sostenible e pera qualitat des sòns servicis.
Un prèmi que, ath delà d’aguesti valors, tanben reconeish er esfòrç continuat entà milhorar era sua aufèrta, era innovacion e eth compromís damb era excelléncia enes servicis aufrits as usatgèrs.
Entara sindica d’Aran, Maria Vergés: “Aguesta distincion certifique eth trabalh ben hèt, era dedicacion e era constància per part de toti e totes que, enes diferenti sectors, prepausen as visitaires experiéncies uniques que pòden víuer ena Val d'Aran”.
HÒNT: CONSELH GENERAU D'ARAN
